Kroaci-Portugali: Rakitiç ngacmon Ronaldon në distancë

Ndeshja mes Kroacisë dhe Portugalisë do të jetë për t’u parë pasi brenda ka edhe një “mini derbi” mes Barcelonës dhe Realit të përfaqësuar nga Rakitiç & Ronaldo.

Rivaliteti i ushqyer në La Liga duket se ka nxitur Ivan Rakitiç të “thumbojë” kultin individualist të Cristiano Ronaldos.

E dimë shumë mirë se do të kemi përballë një ekip si Portugalia që rreshton në fushë një lojtar të kalibrit të Ronaldos. Është një nga lojtaret më të mirëve në botë, por ne nuk i trembemi, pasi edhe “ai ka nevojë për të gjithë ekipin“. – tha Rakitiç per mediat e huaja.

I pyetur nëse Kroacia do të mund të eci perparanë këtë Europian, Rakitiç ju përgjigj:

Ne do të mundohemi që të bëjmë lojën tonë. Të japim më të mirën, pastaj në një rrugëtim të tillë ndikon shumë edhe fati.