Juventus: Batshuayi, zëvendësuesi i mundshëm i Morates në sulmin e bardhezinjve

Duke ju referuar italianes ‘Corriere dello Sport‘, nga disa kandidatë për të mbuluar largimin e Alvaro Moratës në sulmin juventin , thuhet se Juventusi po fokusohet në veçanti në blerjen e Michy Batshuayi, sulmuesi i Marsejes, aktualisht i angazhuar në Euro2016 me përfaqësuesen e Belgjikës.

Por Batshuayi dëshiron për të zgjidhur të ardhmen e tij pas Euro2016, mjaft e kuptueshme, dhe gjithashtu Juventusi duhet të arrijë akordin me klubin francez.

Thuhet se Marseja ka kërkuar fillimisht 40 Milione Euro, dhe mund të zbresi deri në shifren 38 Milion, por asnjë qindarke më pak. Kjo edhe për shkakun se në garë për blerjen e sulmuesit belg kanë hyrë në garë edhe anglezët e West Ham-it

Më tej, ‘Corriere dello Sport’ shkruan se Juventus ka ofruar vetëm 30 milion, por pritet një rritje të ofertës nga juventinët që do të bente të mundur kalimin e Batshuayi në Torino.

Opsionet rezervë për Juven nëse deshtojnë në tratativat me Marsejen për Batshuayi, janë sulmuesi tjetër belg Romelu Lukaku dhe Edinson Cavani.