Uells 1-0 Irlanda Veriut: Autogoli nga Gareth McAuley vendos fatin e ndeshjes

Uellsi bën një hap historik duke u kualifikuar për në çerekfinale të Euro 2016.

Një autogol në fund të ndeshjes nga Gareth McAuley  ka dërguar Uellsin në çerekfinale të Euro 2016 me një fitore 1-0 ndaj Irlandës së Veriut në Parc des Princes të shtunën.

Ishte përplasja e parë midis 2 skuadrave britanike në fazën e 1/8 në një turne madhor.

Uellsi, i cili do të luajë në çerekfinale të një turneu madhore për herë të dytë në historinë e tyre do të përballet me fituesin e takimit Hungari – Belgjik të premten në mbrëmje në Lille.