Lojtarë nga cili klub kanë shënuar dhe asistuar më shumë gola në Euro 2016!

Euro 2016 ka arritur fazën çerek-finale, me 88 gola të shënuar në 46 ndeshje të luajtura që nga fillimi i turneut.

Por cilët janë klubet, lojtarë e të cilëve kanë shënuar më shumë gola në Francë?

Deri më tani, fituesit e Ligës së Kampionevem Real Madrid janë në krye me gjashtë golat e Gareth Bale (3), Cristiano Ronaldo (2) dhe Luka Modric (1). Ndërsa rivalët e tyre Atletico Madrid janë të dytët me katër gola, 3 nga francezi Antoine Griezmann dhe 1 nga belgu Yannick Carrasco.

Ndërkohë që në renditjen e golave bie në sy mungesa e klubeve angleze, ato dominojne renditjen e asisteve për gol.

Chelsea, Manchester City dhe Arsenal janë në krye me nga katër asistime për secilin klub, kryesisht falë kontributit të Eden Hazard (tre), Kevin De Bruyne (tre) dhe Aaron Ramsey (dy).