Kosova do të marrë pjesë në eliminatoret e Botërorit “Russi 2018”. FIFA nëpërmjet një njoftimi zyrtar ka dhënë një tjetër lajm të rëndësishëm për përfaqësuesen më të re europiane, e pranuar vetëm gjatë muajit maj në UEFA dhe FIFA.
Paneli i Emergjencës në UEFA, i mbledhur në Paris ka vendosur që Kosova të bëjë pjesë në Grupin I, ku luajnë Kroacia, Islanda, Turqia, Ukraina dhe Finlanda.
Ndërsa Gjibraltari u caktua në Grupin H, ku do të ketë si kundërshtarë Belgjikën, Bosnjë Hercegovinën, Greqinë, Estoninë dhe Qipron.
Arsyeja pse Paneli i Emergjencës në UEFA e vendosi Kosovën në Grupin I dhe jo në Grupin H është shmangja e përplasjes me Bosnjë Hercegonvinën, që konsiderohet me risk të lartë për arsye etnike.