Stërvitja e fundit në Perros Guirec ku janë grumbulluar kuqezinjtë para ndeshjes me Francën i ka shërbyer De Biasit për të provuar formacionin që do të hedhë në fushën e Velodrome, për sfidën e rradhës.
I detyruar të bëjë ndryshime në qendër të mbrojtjes për të plotësuar boshllëkun e krijuar nga pezullimi i Lorik Canës, De Biasi ka provuar në këtë pozicion Arlind Ajetin, kjo edhe sepse preferon Kukelin, i cili u paraqit mirë i tërhequr në këtë rol ndaj Zvicres.
Gjithashtu De Biazi ka testuar Ledian Memushajn në pozicionin e mesfushorit të tërhequr që mbahet nga Taulant Xhaka i cili pritet të nisë lojën nga stoli kundër Frances.
Ndryshimi tjetër në këtë stërvitje ishte ai i vendosjes së futbollistit kavajas Andi Lila, në krahun e djathtë në vendin e Odise Roshit.
Ndërsa ruajnë pozicionet e tyre Abrashi, mjaft efektiv në mesin e fushës në ndeshjen me Zvicrësn, ashtu si dhe Lenjani por edhe Armando Sadiku të cilit De Biasi pritet t’i besojë sërish vendin e sulmuesit të vetëm.