Hungari 0-4 Belgjikë : belgët dhurojnë spektakël.

Belgjika është përfaqësuesja e radhës që siguron një vend në çerekfinale të Kampionatit Evropian, pasi ka arritur ta mposht 4:0 Hungarinë në ndeshjen e zhvilluar ‘Stadium Municipal’. Në çerekfinale, Belgjika do të përballet me Uellsin më 1 korrik.

Toby Alderweireld në minutën e 10’, kaloi në epërsi Belgjikën. Me këtë rezultat përfundoi pjesa e parë.

Në fillim të pjesës së dytë, ishin hungarezët që patëm iniciativën duke krijuar edhe disa raste të mira shënimi, por pa arritur të gjejnë rrjetën.

Atë që s’arritën te bënin hungarezët, e bën belgët duke shënuar edhe dy gola në fund të takimit.

Michy Batshuayi në minutën e 78’ dyfishoi epërsinë, ndërsa Eden Hazard në minutën e 80’, shënoi për të vulosur fitoren.

Në minutën e 90′, Yannick Ferreira-Carrasco shënoi golin e katërt për Belgjikën.