Lionel Messi humbi një penalltinë në fitoren e Kilit kundër Argjentinës në finalen e Kupës së Amerikës, për të dytin vit radhazi.
Sergio Aguerro humbi shance të mira për ti dhënë fitoren Argjentinës, si në kohën e rregullt ashtu edhe në 30 minutat e kohës shtesëe.
Para një turme prej më shumë se 82.000 tifozash që kishin mbushur stadiumin – finalja e 100 vjetorit te ketij turneu perfundojë pa gola pas 120 minutave.
Loja u zhvillua me nderprerje të shumta, tensione të larta dhe nervozitet, ku të dyja skuadrat morën nga 1 karton të kuq dhe shumë kartona të verdhë te tjera.
Në serinë e parë te penalltive, gabon Vidal për Kilin, por të njëjtën gjë bën edhe Messi për Argjentinën, me topin që përfundon mbi traversë. Më pas futbollistët e Kilit tregohen të saktë njëri pas tjetrit, ndërsa gjuajtja e gabuar e Biglias për Argjentinën në serinë 4-te i dha mundësinë Silvas të shënonte penalltinë e fundit për Kilin, që shpërtheu në festë.
Thatesira 23-vjeçare në fitimin a turneve madhore për Argjentinën vazhdon – Messi, i cili luajti vetem dy ditë pas ditëlindjes së tij të 29-të – ende nuk ka fituar një trofe me perfaqësuesen argjentinase, të cilët kanë humbur tashmë tri finale të mëdha rradhazi: finalen e Kupës së Botës 2014 kundër Gjermanisë, si dhe humbja në 2 vitet e fundit ne finalet e Kupës së Amerikës, të dyja keto me penalti ndaj Kilit.